«Следчыя ўжо чацвёртыя суткі праводзяць работу па дакументаванні абставін антыгуманных паводзін польскім бокам у выніку прымянення вадамётаў, слёзатачывага газу, светлашумавых гранат, хімічных рэчываў у дачыненні да бежанцаў, якія жадаюць атрымаць прытулак у ЕС. На сённяшні дзень устаноўлены 109 пацярпелых асоб. Сярод іх 22 жанчыны, 15 дзяцей, з іх 10 малалетніх», — сказаў Ігар Чарняк.

Паводле яго слоў, усе пацярпелыя дапытаны. «У адносінах да іх прызначаны судова-медыцынскія экспертызы. Расследаванне працягваецца», — адзначыў начальнік аддзела.

Што да характару траўм, то гаворка ў асноўным ідзе аб паленні ў вачах, болі ў горле, грудной клетцы, галавакружэнні, млоснасці.

«Хутчэй за ўсё, гэта атручэнне хімікатамі. Гэтыя абставіны пацверджаны экспертным шляхам», — дадаў Ігар Чарняк.

Звязда, 20 лістапада 2021