З 1 студзеня 2022 года банкноты наміналам Br100, Br500, Br1 тыс., Br5 тыс., Br10 тыс., Br20 тыс., Br50 тыс., Br100 тыс., Br200 тыс. узору 2000 года будуць лічыцца несапраўднымі (страціўшымі сілу законнага плацежнага сродку).

Названыя наміналы банкнотаў можна абмяняць на банкноты і манеты ўзору 2009 года ў касах Нацбанка без абмежаванняў і без спагнання платы. Абмен ажыццяўляецца ў суадносінах Br10 тыс. у грашовых знаках узору 2000 года да Br1 у грашовых знаках узору 2009 года.

Касы Нацыянальнага банка размешчаны ў Мінску па вул.Талстога, 6. Рэжым работы кас: панядзелак - чацвег з 9.00 да 16.00, пятніца - з 9.00 да 15.00, субота і нядзеля - выхадныя дні.

У адпаведнасці з указам ад 4 лістапада 2015 года нумар 450 "Аб правядзенні дэнамінацыі афіцыйнай грашовай адзінкі Рэспублікі Беларусь" 1 ліпеня 2016 года праведзена дэнамінацыя афіцыйнай грашовай адзінкі - беларускага рубля. У абарачэнне выпушчаны сем наміналаў новых банкнотаў узору 2009 года - Br5, Br10, Br20, Br50, Br100, Br200 і Br500 і восем наміналаў манет - 1, 2, 5, 10, 20 і 50 капеек, а таксама Br1 і Br2.

1 лістапада 2021, Мінск
БЕЛТА