Па заявах пракуратуры інфармпрадукцыя Telegram-каналаў "97% Chausy", "Савецкі 97%", "Добруш для Жыцця Чат" і "Дзятлава Для Жыцця" прызнана экстрэмісцкай.

Устаноўлена, што ў інфармацыйных паведамленнях змяшчаліся заклікі да масавых беспарадкаў, хуліганскіх дзеянняў, прымянення насілля адносна супрацоўнікаў праваахоўных органаў, каб перашкодзіць іх законнай дзейнасці, а таксама паведамленні абразлівага характару, якія распальваюць сацыяльную варожасць. Доступ да названых рэсурсаў мог атрымаць любы грамадзянін, які выкарыстоўвае сетку Інтэрнэт і мэсэнджар Telegrаm.

"На аснове патрабаванняў закона Рэспублікі Беларусь "Аб процідзеянні экстрэмізму" органамі пракуратуры былі падрыхтаваны і накіраваны ў суды заявы аб прызнанні інфармацыйнай прадукцыі гэтых Telegram-каналаў экстрэмісцкімі матэрыяламі. Судамі задаволены заявы пракурораў у поўным аб`ёме і дапушчаны неадкладныя выкананні рашэнняў, копіі якіх накіраваны ў Міністэрства інфармацыі для ўключэння ў рэспубліканскі спіс экстрэмісцкіх матэрыялаў і блакіроўкі інтэрнэт-рэсурсаў, якія садзейнічаюць распаўсюджванню такіх матэрыялаў на тэрыторыі Беларусі", - адзначылі ў Генпракуратуры.

5 ліпеня 2021, Мінск
БЕЛТА