"Сёння завяршае работу пятая сесія Савета Рэспублікі Нацыянальнага сходу Рэспублікі Беларусь сёмага склікання. У гэты перыяд наша краіна па-ранейшаму прадаўжае зведваць непрыкрыты эканамічны і палітычны націск, мэтанакіраванае ўмяшанне ва ўнутраныя справы. Відавочна, што не ўсіх у свеце задавольвае стабільнасць і спакой у рэспубліцы, наша міралюбная знешняя палітыка, статус донара бяспекі і перагаворнай пляцоўкі", - сказала Наталля Качанава.

Паводле яе слоў, дзеянні калектыўнага Захаду, накіраваныя перш за ўсё на дэстабілізацыю сітуацыі ў Беларусі, злом дзяржаўных асноў, увядзенне новых эканамічных санкцый адносна рэспублікі, падрываюць асновы міжнароднага права.

"Усе вельмі добра разумеюць, што такая палітыка паўплывае на дабрабыт працоўных калектываў і кожнага грамадзяніна Беларусі. Гэта іх гістарычная памылка, за наступствы якой давядзецца расплачвацца еўрапейскаму рэгіёну. Яны ствараюць пагрозу для бяспекі ўсяго свету, - адзначыла спікер. - Як заявіў наш Прэзідэнт, выступаючы 22 чэрвеня ў мемарыяльным комплексе "Брэсцкая крэпасць-герой": "Зразумейце раз і назаўсёды: мы родную зямлю, незалежнасць і суверэнітэт нікому не аддадзім. Мы ў любым выпадку выстаім!".

Беларускія парламентарыі неаднаразова патрабавалі ад заходніх калег не парушаць нормы міжнароднага права. "Сваю пазіцыю мы дакладна выказалі ў заявах аб спробе дзяржаўнага перавароту ў Рэспубліцы Беларусь, абуральным інцыдэнце з дзяржаўным сцягам у Рызе. Члены Савета Рэспублікі і дэпутаты ўсіх узроўняў звярнуліся да сусветнай супольнасці з заклікам выступіць супраць неабгрунтаванай, контрпрадукцыйнай і дыскрымінацыйнай палітыкі ў адносінах да беларускай дзяржавы і яго народа, праявіць з намі салідарнасць у адстойванні права на мірнае жыццё, вярнуцца да адказнага і плённага ўзаемадзеяння на карысць усіх краін. Хачу выказаць удзячнасць членам Савета Рэспублікі за вашу грамадзянскую пазіцыю па адстойванні інтарэсаў краіны", - падкрэсліла Наталля Качанава.

25 чэрвеня 2021, Мінск
БЕЛТА