Як інфармуе УУС Брэсцкага аблвыканкама, будучы дасведчаным аб крымінальнай адказнасці за незаконныя дзеянні ў адносінах да зброі, боепрыпасаў і выбуховых рэчываў, мужчына ў здымнай кватэры ў Баранавічах усё роўна захоўваў 49 вінтовачных спартыўна-паляўнічых патронаў, а таксама паляўнічы нож і прадмет, які нагадвае абрэз. Увесь арсенал быў схаваны ў канапе.

Затым аператыўнікі праверылі дом у вёсцы Гута, які належыць мужчыну, дзе быў знойдзены нямецкі газавы пісталет і шэсць патронаў. У ходзе гутаркі з праваахоўнікамі гаспадар распавёў, што зброю і боепрыпасы ён знайшоў выпадкова каля 10 гадоў таму.

Усе вышэйпералічаныя прадметы канфіскаваныя, прызначаныя адпаведныя экспертызы. У дачыненні да фігуранта заведзена крымінальная справа.

Сяргей Расолька
Звязда, 1 чэрвеня 2021