"26 лістапада Еўрапейскі парламент прыняў рэзалюцыю па Беларусі, якая чарговы раз мае шмат абвінавачанняў, заснаваных на скажэнні і тэндэнцыйнай ацэнцы падзей, якія адбываюцца ў нашай краіне. Еўрапейскія парламентарыі пры гэтым быццам не чуюць меркавання большасці беларускіх грамадзян, якія зрабілі свой выбар і хочуць жыць у стабільнай і бяспечнай краіне.

Нацыянальны сход Рэспублікі Беларусь разглядае прыняцце рэзалюцыі як непрымальнае ўмяшанне ва ўнутраныя справы суверэннай і незалежнай дзяржавы. Змешчаныя ў ёй заклікі да прымянення санкцый ставяць пад пагрозу дасягнуты прагрэс у супрацоўніцтве Беларусі і ЕС, уключаючы міжпарламенцкае ўзаемадзеянне, - гаворыцца ў заяве. - Беларускія парламентарыі цвёрда ўпэўнены, што ўсе спробы націску на Беларусь і імкненне змяніць вектар развіцця дзяржавы з`яўляюцца неправамернымі і бесперспектыўнымі. Мы прадоўжым справу ўмацавання нашай краіны выключна ў інтарэсах беларускага народа".

23 снежня 2020, Мінск
БЕЛТА