Юрый Васкрасенскі расказаў, што Міністэрства юстыцыі 28 кастрычніка зарэгістравала ўстанову "Круглы стол дэмакратычных сіл". Сёння ў гэтай пляцоўкі з`явіўся свой офіс.

"Мы разглядаем гэту пляцоўку як аператара нацыянальнага грамадска-палітычнага дыялогу ад апазіцыі. Мы плануем работу круглага стала падзяліць на секцыі. У прыватнасці, будзе створаны міжнародны камітэт, праваабарончая камісія, камітэт па адукацыі. Валанцёры і актывісты апазіцыі будуць размеркаваны ў тым ліку па гэтых напрамках, - адзначыў палітолаг. - На працягу лістапада будуць выпрацоўвацца прапановы ў Канстытуцыю. Потым - прапановы ў сумежныя галіны права. Мы збіраемся выкарыстоўваць інтэрнэт-тэхналогіі з улікам таго, што Беларусь мае ў гэтым вялікія напрацоўкі. У прыватнасці, плануем стварэнне сваёй уласнай інтэрактыўнай платформы, дзе будзем праводзіць галасаванне па вынесеных на абмеркаванне пытаннях".

Юрый Васкрасенскі падкрэсліў, што пэўныя палітычныя сілы імкнуцца сарваць грамадскі дыялог. "На нашых актывістаў аказваўся каласальны націск. Пайшлі на такі цынізм, што нават гэту трагедыю з загінулым хлопцам выкарыстоўваюць для сваіх нейкіх правакацыйных мэт, - заявіў ён. - Мы не гаворым, што выступаем на адным з бакоў. Мы прадастаўляем усе ўмовы, напрацоўкі і тэхналогіі для ўрэгулявання канфлікту, але ў прававым полі. Гэта значыць наша задача - уключыць актывістаў апазіцыі ў легальны палітычны працэс, а не штурхаць іх пад крымінальныя праследаванні. Трэба берагчы людзей".

13 лістапада 2020, Мінск
БЕЛТА