https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Мітрапаліт Кандрусевіч узначаліць працэсію на Вербніцу


Напярэдадні велікодных святаў прадстаяцель РКЦ у Беларусі вярнуўся ў Мінск з Беластока, дзе праходзіў рэабілітацыю пасля аперацыі.
Мітрапаліт Мінска-Магілёўскі архібіскуп Тадэвуш Кандрусевіч узначаліць святочную працэсію каля архікафедральнага касцёла ў Мінску на Вербніцу, паведаміў настаяцель храма ксёндз Антоній Клімантовіч.

Каля месяца таму мітрапаліту была зробленая аперацыя, потым ён паехаў у Беласток на рэабілітацыю.

"Яго Экселенцыя ужо вярнуўся ў Мінск з Польшчы, дзе праходзіў рэабілітацыю. Кажа, што адчувае сябе нядрэнна", - распавёў настаяцель архікафедральнага сабора.

Паводле яго слоў, мітрапаліт узначаліць святочную працэсію, якая пройдзе каля сабора 14 красавіка, у гэты дзень каталікі адзначаць Вербніцу.

Суразмоўца агенцтва распавёў, што першая святочная служба ў храме пачнецца ў 10:00, потым у 11:30, яшчэ адна - у 13:00. Службы пройдуць на беларускай і польскай мовах.

Настаяцель храма таксама распавёў, што па традыцыі каля сабора будзе ўсталявана батлейка, а таксама будзе жывы вослік, на якім Ісус заедзе ў Ерусалім. Асабліва гэта ўяўленне падабаецца дзецям. Інсцэніраваную працэсію з удзелам біблейскіх персанажаў і жывога осліка перад саборам у Мінску правялі ўпершыню каля дзесяці гадоў таму.

У гэтую нядзелю беларускія каталікі панясуць у храмы галінкі вярбы, а ў панядзелак у іх пачнецца Страсная сядміца.

Мінск, 13 красавіка 2019
Sputnik
 
Дата публикации:13.04.2019
Тематика:Культура, Беларусь
Просмотров:222
 
Ключевые слова:
Христианство Религия Вербная неделя Мінск Беласток Тадэвуш Кандрусевіч
 
 


Комментарии



 



Другие новости по этой теме