https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


"Прыбужскае Палессе" збярэ школьнікаў на эколага-турыстычны фестываль


Міжнародны адкрыты эколага-турыстычны фестываль "Таямніцы прыбужскага Палесся” адбудзецца ў 12-ы раз і прысвячаецца Міжнароднаму году аховы здароўя раслін і Году малой радзімы ў Беларусі.
Мерапрыемства разлічана на вучняў 5-7 класаў устаноў адукацыі Брэсцкага раёна і абласнога цэнтра. Таксама да ўдзелу ў фестывалі запрашаюцца каманды з іншых раёнаў вобласці, суседніх прыгранічных рэгіёнаў Украіны і Польшчы. Прыём заявак працягнецца па 17 красавіка. Падаць іх можна ў офісе рэспубліканскага заказніка "Прыбужскае Палессе" (Брэст, вул. Кааператыўная, 1) ці па электроннай пошце biorezervat@mail.ru.

Асноўным месцам правядзення фестывалю па традыцыі стане біярэзерват "Прыбужскае Палессе". Прадугледжаны тры этапы: адборачны, які пройдзе ў красавіку-ліпені, гульнявы (верасень-кастрычнік) і заключны (кастрычнік). На першым этапе школьнікаў чакаюць экскурсіі па экалагічных сцежках, веламаршрут, турыстычныя паходы і водны сплаў. Сваімі ўражаннямі ўдзельнікі павінны будуць падзяліцца ў фотарэпартажы. Другі, гульнявы этап, прадугледжвае экалагічны квэст-віктарыну і турыстычную паласу перашкод. У фінале, на інтэлектуальнай гульні ў фармаце брэйн-рынга, сустрэнуцца 10 найлепшых каманд. Пераможцы атрымаюць дыпломы і каштоўныя прызы ад арганізатараў.

Надзея Нікалаева
Звязда, 26 сакавіка 2020
 
Дата публикации:26.03.2020
Тематика:Культура, Беларусь
Просмотров:25
 
Ключевые слова:
Фэст культуры Прыбужскае Палессе Экология
 
 


Комментарии



 



Другие новости по этой теме