Беларускія палярнікі павіншавалі краіну з Днём навукі

Ад імя ўдзельнікаў 15-й Беларускай антарктычнай экспедыцыі начальнік экспедыцыі Аляксей Гайдашоў даслаў віншаванне з Днём беларускай навукі ўсім навукоўцам, даследчыкам і работнікам навуковай сферы краіны, паведамляе Нацыянальная акадэмія навук Беларусі.

«Паважаныя калегі, дарагія сябры!

Каманда 15-й Беларускай антарктычнай экспедыцыі віншуе слаўную навуковую супольнасць Рэспублікі Беларусь з прафесійным святам — Днём беларускай навукі!

Рэспубліцы Беларусь, калектыву Нацыянальнай акадэміі навук Беларусі, даследчым арганізацыям нашай краіны ёсць чым ганарыцца: навуковыя работы, адкрыцці і прарыўныя тэхналогіі беларускіх вучоных шырока вядомыя ва ўсім свеце, а імёны соцень ураджэнцаў Беларусі ўпісаны ў гісторыю сусветнага навуковага прагрэсу.

Сёння навуковая супольнасць Рэспублікі Беларусь — магутная сіла, якая стварае надзейны фундамент для дынамічнага развіцця і працвітання нашай краіны.

Дзякуй вам за адданасць навуцы, за вашу актыўную, мэтанакіраваную працу, за ўклад у айчынную і сусветную навуку! Жадаем міру і дабрабыту, моцнага палярнага здароўя і шчасця, вялікіх магчымасцяў і прарываў, смелых ідэй і ўчынкаў, увасаблення ў жыццё вялікіх мэт і імкненняў, геніяльных думак і адкрыццяў у інтарэсах нашай краіны і сусветнага навуковага прагрэсу!

Каманда 15-й Беларускай антарктычнай экспедыцыі:

Начальнік БАЭ Аляксей Гайдашоў

Начальнік базы Уладзімір Несцяровіч

Галоўныя спецыялісты:

Аляксандр Абатурын

Павел Растоў

Урач-хірург Алег Пешкаў

Вядучыя спецыялісты:

Павел Шаблыка

Кірыл Рабычын

Мікіта Ізідэраў

Сяргей Люты