"Форум на працягу многіх гадоў выконвае высакародную місію асветніцтва, заахвочвае да вывучэння багатай паэтычнай і песеннай спадчыны, садзейнічае захаванню і развіццю традыцый нацыянальнага мастацтва", - гаворыцца ў прывітанні.

Творчая гісторыя фестывалю - гэта шмат унікальных і цікавых праектаў, кранальных сустрэч з прызнанымі майстрамі літаратуры і музыкі, адкрыццё яркіх маладых талентаў, адзначыў кіраўнік дзяржавы.

Прэзідэнт выказаў упэўненасць, што цяперашнія мерапрыемствы культурнага форуму стануць прыкметнай з`явай у жыцці Беларусі.

Аляксандр Лукашэнка пажадаў гасцям, удзельнікам і арганізатарам фестывалю поспехаў, дабрабыту і невычэрпнага натхнення.

14 чэрвеня 2024, Мінск
БЕЛТА