Прэзідэнт Беларусі Аляксандр Лукашэнка ў дзень Першамая падзякаваў суайчыннікам за ўклад у працвітанне Айчыны, паведамілі ў прэс-службе кіраўніка дзяржавы.

1 траўня ў Беларусі адзначаецца Свята працы.

"Мірная і стваральная праца, якая пакладзена ў аснову жыцця беларускага народа, – універсальны рэцэпт дабрабыту і згоды", - сказаў прэзідэнт у сваім віншаванні.

Кіраўнік дзяржавы перакананы, што Беларусь толькі з апорай на ўласныя сілы і таленты пабудавала незалежную і паспяховую краіну.

У сваім віншаванні Лукашэнка з асаблівай цёплай і ўдзячнасцю звярнуўся да ветэранаў вайны і працаўнікоў тылу, якія пасля Вялікай Айчыннай аднаўлялі краіну з руін.

Паводле слоў кіраўніка дзяржавы, менавіта дзякуючы гераізму і самаахвярнасці ветэранаў вайны і працы сучасная Беларусь стварае канкурэнтаздольную эканоміку, умацоўвае палітычную стабільнасць.

Кіраўнік дзяржавы падзякаваў суайчыннікам за ўклад у працвітанне Айчыны, адзначыўшы, што поспехі Беларусі ва ўсіх сферах з’яўляюцца вынікам штодзённых намаганняў і адданасці сваёй справе кожнага беларуса.

У дзень Першамая прэзідэнт пажадаў беларусам натхнення і новых здзяйсненняў.

Мінск, 1 траўня 2025
Sputnik