Мерапрыемства прысвечана юбілею першага нацыянальнага навукова-даследчага цэнтра і 100-гадоваму юбілею беларускай акадэмічнай навукі. Арганізатарамі мерапрыемства выступілі ўстановы НАН Беларусі: Інстытут мовазнаўства імя Якуба Коласа, Цэнтральная навуковая бібліятэка імя Якуба Коласа, Інстытут літаратуразнаўства імя Янкі Купалы.

На канферэнцыі плануецца абмеркаваць шырокі спектр пытанняў і тэм: навукова-даследчую работу Інбелкульта, спецыфіку лінгвістычных, краязнаўчых, гістарычных, літаратуразнаўчых, мастацтвазнаўчых напрамкаў работы беларускіх навукоўцаў у пачатку ХХ стагоддзя, невядомыя старонкі дзейнасці Інбелкульта, лёсы беларускіх навукоўцаў і іх творчую спадчыну.

У рабоце канферэнцыі прымуць удзел вядучыя навукоўцы навуковых арганізацый НАН Беларусі, прадстаўнікі вышэйшых навучальных устаноў краіны.

Надзея Нікалаева
Звязда, 19 студзеня 2022