Пачнецца свята з аўтапрабегу «За Беларусь!» па шасці напрамках з ускладаннем вянкоў і кветак каля памятных месцаў. На цэнтральнай плошчы горада разгорнуцца асноўныя гулянні і мерапрыемствы. Тут прэзентуюць праект «Лёзненшчына смачная», пройдзе раённае свята гумару і выступленні клубаў гістарычнай рэканструкцыі. Гасцей таксама запрашаюць наведаць кірмаш рамёстваў, дзе будуць працаваць выставы сувеніраў, адбудуцца майстар-класы.

На гарадскім стадыёне адкрыюць міні-футбольную пляцоўку са штучным пакрыццём і вулічнымі трэнажорамі. Падчас свята на стадыёне правядуць турнір па міні-футболе і армрэслінгу. У мясцовым музеі гасцей чакае экскурсія па выставе мадэляў танкаў.

На працягу дня ў Лёзне будуць працаваць гандлёвыя пункты, атракцыёны, падворкі. Завершацца ўрачыстасці дыскатэкай.

Звязда, 10 кастрычніка 2020