У апытанні прынялі ўдзел 900 рэспандэнтаў з розных куткоў краіны: са сталіцы, абласных цэнтраў, гарадоў раённага значэння і сельскіх населеных пунктаў.

«Паводле атрыманых у выніку апытання эмпірычных звестак, 47,1% насельніцтва Беларусі адзначаюць высокую якасць беларускай прадукцыі, 46,3% апытаных канстатуюць якасць айчыннай прадукцыі як сярэднюю, — пракаментаваў вынікі сацыялагічнага даследавання намеснік дырэктара ў навуковай рабоце Інстытута сацыялогіі Аляксандр Пасталоўскі. — У дадзеным выпадку неабходна адзначыць, што пры ацэнцы якасці прадукцыі дамінуюць высокія і сярэднія ацэначныя паказчыкі. Пры гэтым практычна адсутнічаюць паказчыкі крытычнага ўспрымання якаснага стану беларускіх прадуктаў (0,7%). Гэта дазваляе зрабіць выснову аб станоўчым стаўленні насельніцтва да айчыннай прадукцыі».

Праведзенае даследаванне дапамагло выявіць агульны трэнд высокага даверу спажыўца да прадуктаў, вырабленых у Беларусі. Большасць рэспандэнтаў таксама звязваюць прэміум-якасць беларускіх тавараў з эфектыўнай працай вытворцаў. У цэлым, вельмі малая колькасць адказаў, якія адлюстроўваюць негатыўную ацэнку якасці беларускай прадукцыі, кажа аб агульным пазітыўным успрыманні насельніцтвам айчыннага таваравытворцы.

Звязда, 6 ліпеня 2024