Сёння адзначаецца Сусветны дзень тэатра. Якія яшчэ падзеі адбыліся 27 сакавіка і чым азнаменаваны гэты дзень у народным календары, чытайце далей:
Гістарычныя падзеі 27 сакавіка
У 1918 годзе Рада БНР абвясціла, што бярэ на сябе ўсю паўнату ўлады ў Беларусі.
Хто нарадзіўся 27 сакавіка
1923 год: Алесь Рылько, беларускі драматург.
1924 год: Павал Урбан, беларускі гісторык, грамадскі дзеяч.
1927 год: Аляксандра Юр`еўна Данілава, беларуская архітэктарка.
Таксама сёння нарадзіліся нямецкі фізік Вільгельм Рэнтген, савецкі музыкант і грамадскі дзеяч Мсціслаў Растраповіч і амерыканскі рэжысёр, сцэнарыст, акцёр і прадзюсар Квенцін Таранціна.
27 сакавіка ў народным календары
Сёння праваслаўныя вернікі шануюць памяць вялебнага Венедыкта Нурсійскага. Таксама сёння дзень Фёдараўскага абраза Божай маці, які, па паданні, быў створаны апосталам Лукой. Яму моляцца пра сямейнае шчасце, добрабыт і нараджэнне здаровых дзяцей.
У гэты перыяд пачынаецца лінька ў дамашніх жывёл, таму іх чысцілі і замаўлялі ад дрэннага вока.
Калі 27 сакавіка марозна, то холад будзе трымацца яшчэ тыдзень. Імгла ў гэты дзень прадвяшчае нянаснае лета.
Sputnik, 27 сакавіка 2020