У свой час папраўкі ў закон аб СМІ, у ліку якіх была і папярэдняя ідэнтыфікацыя карыстальнікаў інтэрнэт-рэсурсаў, не ўсімі былі адназначна ўспрынятыя.

"Цяпер, па-мойму, ніхто з гэтым не спрачаецца, - звярнуў увагу міністр. - Норма аб ідэнтыфікацыі працуе".

Уладальнікі інтэрнэт-рэсурсаў ведаюць усіх сваіх каментатараў: і тых, хто выступае пад нікамі, і тых, хто аддае перавагу таму, каб падпісвацца сваім імем.

"Гэта вельмі важна. Менавіта для гэтага (магчыма, не ўсе нас чулі нейкі час таму) і ўводзілася гэтая норма", - адзначыў Аляксандр Карлюкевіч.

Пры гэтым, па назіраннях міністра, у беларускай інтэрнэт-прасторы пасля прыняцця паправак у закон аб СМІ не стала менш рэзкіх выказванняў. Аднак больш парушэнняў дапускаецца не ў частцы каментавання, а наўмыснага размяшчэння інфармацыі, якая не адпавядае заканадаўству.

Аляксандр Карлюкевіч дадаў, што Мінінфарм праводзіць актыўны маніторынг інфармацыйна-медыйнай прасторы.

"Будзем выступаць з пэўнымі ініцыятывамі", - сказаў міністр, адказваючы на ​​пытанне пра перспектывы карэкціровак заканадаўства ў далейшым.

Звязда, 3 лютага 2020