Сёння адзначаецца Хэлоўін, або Дзень усіх святых. Якія яшчэ падзеі адбыліся 31 кастрычніка і чым азнаменаваны гэты дзень у народным календары, чытайце далей:
Гістарычныя падзеі 31 кастрычніка
У 1905 годзе каля Віленскага вакзала ў Мінску па загадзе губернатара Паўла Курлова расстраляны мітынг супраць самадзяржаўя, загінулі 100 чалавек, 300 былі параненыя.
У 1947 годзе ў Мюнхене пачала выходзіць газета "Бацькаўшчына" на беларускай мове.
Хто нарадзіўся 31 кастрычніка
1885 год: Міхайла Грамыка, беларускі пісьменнік і навуковец.
1930 год: Леў Гумілеўскі, беларускі скульптар.
1934 год: Тадэвуш Кокштыс, беларускі акцёр.
Таксама сёння нарадзіліся кітайскі ваенны і палітычны дзеяч Чан Кайшы і амерыканскі астранаўт Майкл Колінз.
31 кастрычніка ў народным календары
У гэты дзень Праваслаўная царква шануе памяць апостала Лукі, аўтара аднаго з чатырох евангелляў. У народзе яго лічылі настаўнікам іконапісу, таму ў гэты дзень іканапісцы моляцца яму аб дапамозе.
На Луку рыбакі звычайна адпраўляліся на лоў з лучынамі – рыба плыла на свет. У хатах гатавалі рыбныя стравы.
Калі ў гэты дзень выпадаў снег, гэта значыла, зіму яшчэ доўга чакаць. Калі вецер паўночны, будзе яснае надвор`е.
Sputnik, 31 кастрычніка 2019
