Сёння святкуецца Новы год і Сусветны дзень міру. Якія яшчэ падзеі адбыліся 1 студзеня і чым азнаменаваны гэты дзень у народным календары, чытайце далей:

У 1831 годзе ўлады Расійскай імперыі спынілі дзеянне Статута ВКЛ 1588 года ў Віцебскай і Магілёўскай губернях.

У 1908 годзе на Беларусі пачала працаваць першая міжгародная тэлефонная лінія Мінск - Барысаў.

У 1919 годзе ў Смаленску абвешчана Савецкая Сацыялістычная Рэспубліка Беларусь.

У 1919 годзе была заснаваная Віленская беларуская гімназія.

У 1929 годзе адбылося ўрачыстае адкрыццё Акадэміі Навук БССР.

У 1990 годзе быў створаны Слонімскі драматычны тэатр.

1467 год: Жыгімонт Стары, кароль польскі і вялікі князь літоўскі.

1860 год: Яўхім Карскі, філолаг-славіст, заснавальнік беларускага навуковага мовазнаўства і літаратуразнаўства.

1932 год: Яўген Каршукоў, беларускі пісьменнік, перакладчык.

1937 год: Пятро Сушко, беларускі паэт, перакладчык

1938 год: Данута Бічэль-Загнетава, беларуская паэтэса

1945 год: Вольга Іпатава, беларуская пісьменніца

1958 год: Рыгор Сітніца, беларускі мастак, паэт

1959 год: Ніна Здановіч, беларускі археолаг, гісторык

Таксама сёння нарадзіліся рымскі паэт Ювенал і французскі грамадскі дзеяч П`ер дэ Кубертэн.

Сёння праваслаўныя вернікі шануюць памяць святога Ваніфація Рымскага.  Яму моляцца пра цвярозасць і здароў`е. Таксама ў гэты дзеь святкуецца Новы год.

На Русі гэта свята было ўстаноўлена толькі ў 1699 годзе царом Пятром Першым. У гэты дзень прынята было адпачываць.

Нягледзячы на адносна нядаўнее ўстанаўленне гэтага свята, яно ўжо паспела займець сваі традыцыі і забабоны. Напрыклад, лічылася, што нельга 1 студзеня выносіць смецце, інакш будзе бяда.

Сяляне лічылі добрым, калі 1 студзеня пойдзе снег – гэта прадвяшчала добры ўраджай збожжа.

Sputnik, 1 студзеня 2019