У суботніку па добраўпарадкаванні Курапатаў, ініцыяваным Федэрацыяй прафсаюзаў Беларусі, прынялі ўдзел прадстаўнікі "Белай Русі", БРСМ і іншых грамадскіх аб`яднанняў.

Удзельнікі суботніка добраўпарадкоўвалі тэрыторыю вакол месца, дзе 15 лістапада ўсталююць памятны знак ахвярам, расстраляным у Курапатах.

"Слова" суботнік "мне не падабаецца ў дачыненні да гэтага месца. Мы не на акцыю сюды прыйшлі, а на паклон. Прыйшлі выказаць свой смутак чалавечага гора вось такім чынам", - паведаміў адзін з удзельнікаў лідар "Белай Русі" Генадзь Давыдзька.

Па словах Генадзя Давыдзькі, сёння няма каму выстаўляць абвінавачанні ў гэтай трагедыі, іх няма ні сярод чыноўнікаў, ні сярод палітыкаў, ні сярод улады. Таму і ніякіх палітычных рознагалоссяў на гэтым месцы не павінна быць.

"Курапаты павінны стаць месцам кансалідацыі нашага грамадства", - упэўнены кіраўнік грамадскай арганізацыі.

Sputnik, 27 кастрычніка 2018