Дзень беларускага пісьменства пачынаючы з 1994 году штогод адзначаецца ў першую нядзелю верасьня. Традыцыйна яго праводзяць кожны год у новым месцы, якое мае багатую гісторыю і зьвязана з разьвіцьцём беларускага кнігадрукаваньня. Ідэя праводзіць Дзень беларускага пісьменства штогод зьявілася ў Міністэрстве культуры пасьля сьвяткаваньня 500-годдзя нараджэньня Францыска Скарыны.

Сёлета Дзень беларускага пісьменства адзначаўся ў Полацку (у трэці раз з 1994 году).

Радыё Свабода, 3 верасня 2017