https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Да 500-годдзя беларускай Бібліі партрэт Скарыны ўпрыгожыць сцяну аднайменнага ўніверсітэта ў Гомелі


Малады гомельскі архітэктар Дзмітрый Казлюк за свае грошы ўпрыгожвае графіці сцяну Гомельскага дзяржаўнага ўніверсітэта імя Францыска Скарыны.
Мастаку прыйшла ідэя намаляваць партрэт асветніка плошчай 64 квадратныя метры з цытатай "Святло ведаў перамагае цемру невуцтва".

Дзмітрый збіраў грошы на свой праект, але неабходная сума так і не набралася. Таму мастак вырашыў маляваць графіці за свае сродкі, а суму, якой не хапае, папрасіў у адміністрацыі ВНУ.

Да 6 жніўня, калі ў краіне шырока адзначаць 500-годдзе беларускага кнігадрукавання (першай беларускай друкаванай кнігай была Біблія Скарыны), графіці павінна быць скончана.

"Вобраз Скарыны ў асацыяцыі з аднайменнай ВНУ будзе прыцягваць увагу да нацыянальнай мовы з дапамогай слогана. Малюнак можа стаць памятным месцам лінеек на першае верасня і іншых падзей. І гледзячы на гэты роспіс, людзі па-іншаму паглядзяць на гісторыю і нацыянальную мову. А ўніверсітэт задасць іншым ВНУ модную тэндэнцыю папулярызацыі беларускай гісторыі, мовы і культуры праз візуалізацыю вобразаў", — тлумачыць сваю ідэю аўтар.

На стварэнне графіці Дзмітрыя натхніла нараджэнне сына, які маральна падтрымлівае бацьку падчас работ. На роспіс сцены пайшло каля двух тыдняў.

БелаПАН, 3 жніўня 2017
 
Дата публикации:03.08.2017
Тематика:Культура, Беларусь
Просмотров:896
 
Ключевые слова:
Францыск Скарына Граффити Гомель 500-годдзе беларускага кнігадрукавання
 
 


Комментарии



 



Другие новости по этой теме