21 лістапада грамадскія актывісты, гісторыкі, мастакі Магілёва пры падтрымцы кампаніі "Будзьма" сустрэліся для таго, каб абмеркаваць магчымасць прысваення гораду статусу культурнай сталіцы СНД.
Удзельнікі сустрэчы выказвалі розныя меркаванні. Адны лічылі, што такі статус ніяк не паўплывае на жыццё горада, іншыя ж былі ўпэўненыя ў тым, што паспрыяе павышэнню ўзроўню культуры ў абласным цэнтры.
У выніку прысутныя сышліся ў меркаванні, што "культурнасць" Магілёва можа абмежавацца ўжо прывычнымі транспарантамі на вуліцах і стандартнымі гарадскімі фестывалямі і святамі.
БелаПАН, 22 лістапада 2012
