Рэспубліканскі фестываль-кірмаш працаўнікоў вёскі "Дажынкі-2012" пройдзе ў другой дэкадзе верасня ў Горках і Горацкім раёне Магілёўскай вобласці. Адпаведнае распараджэнне 30 жніўня падпісаў Аляксандр Лукашэнка.
Як паведамляе прэс-служба прэзідэнта, для падрыхтоўкі і правядзення свята будзе ўтвораны аргкамітэт, які ўзначаліць прэм`ер-міністр Міхаіл Мясніковіч.
Згодна з распараджэннем, арганізацыйны камітэт павінен у двухмесячны тэрмін зацвердзіць план па падрыхтоўцы і правядзенні мерапрыемства.
Па традыцыі на фестывалі-кірмашы будуць ушаноўваць пераможцаў рэспубліканскіх спаборніцтваў за дасягненне высокіх паказчыкаў на ўборцы ўраджаю зерневых і зернебабовых культур, нарыхтоўцы травяных кармоў, вырошчванні лёну і ў вытворчасці жывёлагадоўчай прадукцыі. Акрамя таго, будуць узнагароджаныя пераможцы рэспубліканскага агляду-конкурсу "Землекарыстанне высокай культуры земляробства, добраўпарадкаванне машынных двароў, жывёлагадоўчых фермаў і комплексаў".
Аляксей Арэшка,
БелаПАНМінск, 31 жніўня 2011
