У Горадні адзначылі 170-годзьдзе польскай пісьменьніцы Элізы Ажэшкі, якая вялікую частку жыцьця пражыла ў горадзе і пахавана на старых каталіцкіх могілках.
У мерапрыемстве браў удзел генконсул РП у Горадні Анджэй Хадкевіч, які ўсклаў кветкі да помніка пісьменніцы. У падворку дома Э.Ажэшкі была выстава яе кніг. У будынку адноўлена абтаноўка гасьцінай пісьменьніцы, у ім таксама знаходзіцца частка збораў абласной бібліятэкі імя акадэміка Яўхіма Карскага — замежны аддзел і юнацкі. На сьвяце гучала паэзія, але ўлады запрасілі толькі сябраў Саюзу пісьменьнікаў пад кіраўніцтвам М.Чаргінца, літаратарыаў з Саюзу беларускіх пісьменьнікаў на сьвяце не было.
3 чэрвеня 2011
Радыё Свабода
