Як паведамляе прэс-служба Белтэлерадыёкампаніі, праект ахоплівае 1400—1410 гады — перыяд, што папярэднічаў вайне паміж рыцарамі Тэўтонскага ордэна і Вялікім княствам Літоўскім у саюзе з Каралеўствам польскім, а таксама саму вайну, вырашальнай бітвай якой 15 ліпеня 1410 года стала Грунвальдская бітва.

Дакументальны серыял прадстаўляе гістарычны экскурс з элементамі рэканструкцыі ў Вялікае княства Літоўскае, Польскае каралеўства і Тэўтонскі ордэн, распавядае аб прычынах вайны, самой Грунвальдскай бітве, адносінах бакоў, якія бралі ўдзел у канфлікце, дае характарыстыкі гістарычным асобам.

Здымкі серыяла праходзілі на тэрыторыі Беларусі і Польшчы. Аўтар сцэнарыя фільма — аглядальнік Агенцтва тэленавінаў Белтэлерадыёкампаніі Максім Кароткін, рэжысёр — Анастасія Кужоўнік.

Мінск   8 ліпеня 2010
Таццяна Дарашчонак, БелаПАН