Сёння адзначаецца Дзень астэроіда. Якія яшчэ падзеі адбыліся 30 чэрвеня і чым адзначаны гэты дзень у народным календары, чытайце далей:

У 1898 годзе адбыўся пуск трамвая ў Віцебску.

У 1984 годзе быў пачаўся рэгулярны рух цягнікоў на першай лініі Мінскага метрапалітэна.

1881 год: Павел Растаргуеў, беларускі і рускі мовазнавец.

1931 год: Рышард Ясінскі, беларускі кінарэжысёр-дакументаліст.

Таксама сёння нарадзіліся польскі паэт і празаік Чэслаў Мілаш і амерыканскі баксёр-прафесіянал Майк Тайсан.

Сёння праваслаўныя вернікі шануюць памяць братоў-пакутнікаў Мануіла, Савела і Ісмаіла.

Па народных павер`ях, у гэты дзень здараюцца моцныя туманы, у якіх могуць блукаць прывіды і розная нечысць. Лічылася, што на Мануіла нельга нікому нічога пазычаць, а асабліва выносіць з хаты агонь.

У імені святога нашы продкі бачылі тоеснасць са словам "маніць", а таксама "падманваць", і лічылі, што нячысцікі ў гэты дзень асабліва імкнуцца ўвесці чалавека ў зман.

Добрае надвор`е прадвяшчала вясёлка, якая з`яўлялася ўвечары.

Таксама калі ўначы была навальніца, наступны дзень абяцаў быць сонечным.

Sputnik, 30 чэрвеня 2023