Штогод напярэдадні Новага года 400 лепшых акцябрат і піянераў краіны сустракаюцца на галоўнай Усебеларускай піянерскай ёлцы, каб падзяліцца ўсмешкамі, планамі на будучыню і падвесці вынікі адыходзячага года. Гэта лідары абласных і рэспубліканскай дзіцячых палат, пераможцы праектаў, а таксама актыўныя ўдзельнікі грамадскага жыцця сваёй вобласці і рэгіёна.
Адчуць атмасферу свята дзецям дапаможа казачны навагодні квэст «Цік-ток ёлка», дзе актывісты Беларускай рэспубліканскай піянерскай арганізацыі сустрэнуцца з чароўнымі персанажамі: Дзедам Марозам, Снягуркай, Бабай-Ёгай і іншымі майстрамі навагодніх ператварэнняў. Разам з героямі піянеры і акцябраты створаць сучасны навагодні трэк, каб зарадзіць усіх навакольных на здзяйсненне святочных цудаў.
Акрамя таго, на пляцоўцы «Белэкспа» будуць размешчаны тэматычныя святочныя фотазоны, дзе ўсе ахвотныя змогуць зрабіць фатаграфію з талісманам піянерыі Беларусі — рысянятам Агеньчыкам.
Прыемным завяршэннем мерапрыемства для кожнага ўдзельніка стане салодкі падарунак ад Беларускай рэспубліканскай піянерскай арганізацыі.
Сяргей Расолька
Звязда, 27 снежня 2022
Звязда, 27 снежня 2022