https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Жыхары Гродна падроблівалі рэцэпты і па іх атрымлівалі моцнадзейныя прэпараты


Супрацоўнікі наркакантролю Гродзеншчыны раскрылі злачынную схему па вырабе падробленых рецептурных бланкаў.
Пад падазрэннем мясцовыя жыхары — 49-гадовая жанчына і яе 43-гадовы знаёмы, якія па фіктыўных фармулярах атрымлівалі ў аптэках моцнадзейныя прэпараты.

Паводле інфармацыі аддзела па наркакантролі і супрацьдзеянні гандлю людзьмі Ленінскага РАУС Гродна, незаконную дзейнасць грамадзяне разгарнулі вясной мінулага года. На здымнай кватэры жанчына знайшла ануляваную пячатку ўрача, а пазней — і медыцынскі рэцэпт. У ім з дапамогай карэктара замазала ўсе запісы і зрабіла яго копію на прынтары. У чыстых экземплярах бланка жанчына ўласнаручна “прызначала” сабе канкрэтныя лекі і “зацвярджала” рэцэпт ліпавай пячаткай.

У аптэцы пара купляла такія таблеткі, як запіклон, дымэдрол або самнол, якія прызначаліся для ўжывання разам з наркотыкамі і ўзмацнялі эфект іх дзеяння. Акрамя гэтага, частка прэпаратаў прадавалася па завышаных цэнах нарказалежным людзям.

Усяго ў аптэках горада аператыўнікі выявілі 16 падробленых рэцэптаў. Дома ў жанчыны былі выяўленыя аналагічныя бланкі, паведамляе УУС Гродзенскага аблвыканкама.

Вядома, што абодва падазраваных не працаўладкаваны, жывуць за кошт выпадковых заробкаў і раней прыцягваліся да крымінальнай адказнасці за незаконны абарот наркотыкаў.

Дзеянням жанчыны па вырабу падробленых дакументаў у мэтах іх выкарыстання следчымі дадзена прававая ацэнка, у дачыненні да мужчыны праверка працягваецца.

Сяргей Расолька
Звязда, 24 студзеня 2020
 
Дата публикации:24.01.2020
Тематика:Бизнес, Беларусь
Просмотров:32
 
Ключевые слова:
Рецепт Мошенничество Гродна Криминал
 
 


Комментарии



 



Другие новости по этой теме