Паводле вынікаў таргоў курс еўра вырас на 0,001 рубля (0,04%) і склаў 2,3279 рубля.

Курс долара ЗША знізіўся на 0,0008 рубля (0,04%) да 2,0117 рубля.

Курс расійскага рубля зменшыўся на 0,0036 рубля (0,11%) і склаў 3,1653 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая значна залежыць ад цэн на нафту. Цэны выраслі ў аўторак на фоне паведамленняў аб аднаўленні санкцый у дачыненні да Ірана з боку ЗША. Ф`ючарсы на марку Brent блізу поўдня таргаваліся ў раёне 74,5 долара за бараль.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога усталёўваецца афіцыйны курс Цэнтрабанка, на 11.30 вырас на 4,5 капейкі і склаў 63,5425 рубля.

Аляксей Арэшка, БелаПАН
Мінск, 7 жніўня 2018