Па выніках таргоў курс еўра знізіўся на 0,0005 рубля (0,02%) да 2,008 рубля.

Курс долара знізіўся на 0,0054 рубля (0,28%) і склаў 1,8912 рубля.

Курс расійскага рубля (за 100 адзінак) вырас на 0,0005 рубля (0,02%) і склаў 3,3306 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, а долі долара ЗША і еўра — 30% і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Расійская валюта таргуецца ў плюсе раніцай серады на фоне росту цэн на нафту, якая перавысіла 56,50 долара за бараль Brent.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім устанаўліваецца афіцыйны курс Цэнтрабанка, на 11.30 серады знізіўся на 19,96 капейкі, склаўшы 56,7556 рубля.

Аляксей Арэшка, БелаПАН
Мінск, 12 красавіка 2017