Рэспубліканскае грамадскае аб`яднанне "Перспектыва" не мае ніякага дачынення да акцыі "Марш пустых каструль", якая анансаваная ад імя гэтай арганізацыі на сайце "Беларускі партызан".
6 студзеня "Беларускі партызан" паведаміў, што "Перспектыва" заклікае беларусаў прыйсці 16 студзеня на Кастрычніцкую плошчу Мінска на "Марш пустых каструль" з мэтай запатрабаваць ад уладаў адмены ўказа № 222, які ўзмацніў жорсткасць умоў працы для большасці ІП, неадкладнай адстаўкі Аляксандра Лукашэнкі і правядзення новых сумленных выбараў.
"Публікацыя на сайце "Беларускага партызана" аб тым, што мы нібыта кагосьці кудысьці клічам, з`яўляецца нахабнай хлуснёй і найгрубейшай правакацыяй. Ні пра што падобнае мы не заяўлялі. Ніякага дачынення да гэтага закліку ні члены РГА "Перспектыва", ні кіраўніцтва арганізацыі не маюць", — падкрэсліў лідар прадпрымальніцкага аб`яднання.
Паводле слоў Шумчанкі, звязацца з адміністрацыяй інтэрнэт-рэсурсу, каб даведацца пра прычыны з`яўлення гэтай публікацыі, яму пакуль не ўдалося, але ён мае намер запатрабаваць ад рэдакцыі belaruspartisan.org апублікаваць абвяржэнне гэтай інфармацыі.
1 студзеня 2016 года набыў моц указ прэзідэнта Беларусі № 222 "Аб рэгуляванні прадпрымальніцкай дзейнасці і рэалізацыі тавараў індывідуальнымі прадпрымальнікамі і іншымі фізічнымі асобамі".
Цяпер ІП павінны рэалізоўваць прадукцыю легпрама, увезеную з краін Мытнага саюза, толькі з суправаджальнымі дакументамі. Аднак расійскія пастаўшчыкі, у якіх закупляюць тавар большасць беларускіх ІП, як правіла, адмаўляюцца выдаваць дакументы аб паходжанні прадукцыі або даюць фіктыўныя даведкі. У выніку ІП караюцца штрафамі, у іх канфіскуюць тавар. Неаднаразовыя просьбы прадпрымальнікаў да ўладаў адмяніць указ пачутыя не былі. У выніку ў першыя дні новага года ў Мінску і іншых гарадах Беларусі многія рынкі і гандлёвыя цэнтры аказаліся практычна пустымі — пераважная большасць ІП прыпынілі сваю працу з-за немагчымасці выконваць патрабаванні ўказа.
Цяпер ІП павінны рэалізоўваць прадукцыю легпрама, увезеную з краін Мытнага саюза, толькі з суправаджальнымі дакументамі. Аднак расійскія пастаўшчыкі, у якіх закупляюць тавар большасць беларускіх ІП, як правіла, адмаўляюцца выдаваць дакументы аб паходжанні прадукцыі або даюць фіктыўныя даведкі. У выніку ІП караюцца штрафамі, у іх канфіскуюць тавар. Неаднаразовыя просьбы прадпрымальнікаў да ўладаў адмяніць указ пачутыя не былі. У выніку ў першыя дні новага года ў Мінску і іншых гарадах Беларусі многія рынкі і гандлёвыя цэнтры аказаліся практычна пустымі — пераважная большасць ІП прыпынілі сваю працу з-за немагчымасці выконваць патрабаванні ўказа.
11 студзеня РГА "Перспектыва" мае намер правесці чарговы антыкрызісны форум прадпрымальнікаў, на які запрошаныя прадстаўнікі ўлады.
Захар Шчарбакоў, БелаПАН
Мінск, 6 студзеня 2016
Мінск, 6 студзеня 2016
