Узначаліла яго размешчаная ў мікрараёне Дразды насупраць комплексу "Мінск-Арэна" вуліца Піянерская, кошт прапановыя 1 кв.м жылля на якой перавышае 3.500 долараў. У пяцёрку самых дарагіх таксама трапілі вуліцы Карла Маркса (3.180), Камуністычная (3.136), Інтэрнацыянальная (3.023) і Старажоўская (3.005).

Паводле слоў эксперта, высокія цэны на жылую нерухомасць у асноўным характэрныя для цэнтра горада. У першай "дзясятцы" таксама апынулася вуліца Жасмінавая, папулярнасць якой забяспечыла блізкасць да ракі Свіслач і Нацыянальнай бібліятэцы. Адна з найбольш вядомых вуліца горада — Старажоўская — за кош размяшчэння ў гістарычным цэнтры і ўзвядзення элітнага дома з высокім коштам жылля заняла 5-е месца ў спісе самых дарагіх.

"Кошт "квадрата" на самых рэспектабельных вуліцах сталіцы амаль у 2 разы вышэйшы, чым у сярэднім па горадзе. Прычым цэны на жыллё ў цэнтры Мінска ці паблізу маляўнічых месцаў узрастуюць на працягу ўсяго года. Такія кватэры набываюць у асноўным заможныя замежныя грамадзяне і ўнутраныя інвестары для наступнай здачы ў арэнду па высокіх стаўках. Сярод пакупнікоў таксама сустракаюцца замежныя кампаніі, якія маюць патрэбу ў айчынных апартаментах для размяшчэння замежных топ-менеджараў", — зазначыла Кудзелка.

Група кампаній "Твая сталіца" выдзяляе пяць асноўных "дыслакацый" элітнага жылля. Па-першае, традыцыйна папулярная нерухомасць у гістарычным цэнтры горада, у тым ліку кватэры на вуліцах Інтэрнацыянальная, Леніна і Карла Маркса. У якасці альтэрнатывы выступаюць новыя элітныя раёны ў акваторыі ракі Свіслач (вуліцы Піянерская, Жасмінавая, Парніковая і Ваньковіча). Па-трэцяе, заможныя пакупнікі прыглядаюцца да кварталаў з крыху затухаючай папулярнасцю, у савецкія часы вядомыя як "пыжыкаўскія" раёны — гэта вуліцы Захарава і Пуліхава. З`яўленне там новабудоўляў дазваляе захаваць да яго высокую цікавасць. Стабільным застаецца попыт на дамы па праспекце Незалежнасці. Прычым цэнавы дыяпазон кватэр у розных дамах уздоўж праспекта істотна адрозніваецца. Сваю нішу заняла і элітная забудова ў спальных раёнах горада — найперш сучасныя пабудовы ва Уруччы і ў раёне праспекта Дзяржынскага.

Паводле прагнозаў экспертаў групы кампаній "Твая сталіца", сур`ёзных змяненняў у структуры самых дарагіх вуліц Мінска ў хуткім часе не адбудзецца. "Попыт на элітнае жыллё будзе паступова змяшчацца з асноўных праспектаў сталіцы ў спакойныя і маляўнічыя месцы, размешчаныя ў тым ліку за кальцавой аўтадарогай. Такая тэндэнцыя актуальная для ўсіх буйных гарадоў: найбольш запатрабаванымі становяцца месцы, на якіх развітая інфраструктура, наяўнасць арганізаваных парковак для аўтатранспарту і сучасныя планіровачныя рашэнні суседнічаюць з прыроднымі аб`ектамі (паркамі, рэкамі, азёрамі)", — зазначыла Святлана Кудзелка.

У цэлым у Мінску актыўна фарміруецца сегмент жылля элітнага і прэміум-класа. Толькі зараз у горадзе ўвзодзіцца больш за 10 такіх комплексаў. Скарачэнне колькасці пляцовак у Мінску, што выдзяляюцца пад жыллёвае будаўніцтва, будзе аказваць націск на цэны і падаграваць цікавасць да дамоў павышанай камфортнасці. "Найбольшая цэнавая дынаміка чакаецца на вуліцах Прытыцкага і Кальварыйская, а таксама праспекце Дзяржынскага, які аказаўся блізкі да трапляння ў рэйтынг", — падкрэсліла намеснік дырэктара.

Марына Носава, БелаПАН
Мінск, 29 верасня 2013