Апошняй распрацоўкай прадпрыемства з`яўляецца генеральны план Беларуска-кітайскага парку. "Дэталёвы план парку будуць рабіць кітайскія спецыялісты, абапіраючыся на распрацаваны намі генплан, які ўжо зацверджаны Саветам Міністраў Беларусі. Цяпер па даручэнню кіраўніка дзяржавы і прэм`ер-міністра мы пачынаем распрацоўку генеральнага плана тэрыторыі вакол Нацыянальнага аэрапорта Мінск і плануем завяршыць гэту работу да канца бягучага года", - паведаміў Віктар Іўлічаў. "БелНДІгорадабудаўніцтва" таксама будзе рабіць дэталёвы план самога аэрапорта, - дадаў ён.

Дырэктар прадпрыемства паведаміў, што яго спецыялістамі былі распрацаваны Дзяржаўная схема комплекснай тэрытарыяльнай арганізацыі Беларусі, шэсць схем тэрыторый абласцей, 28 схем раёнаў, больш як 150 генеральных планаў гарадоў і населеных пунктаў, розных зон адпачынку. "Таксама мы пачалі распрацоўку генпланаў гарадоў-спадарожнікаў. Акрамя таго, мы праектуем і за мяжой. Так, у Венесуэле мы зрабілі планы двух гарадоў і трох аграгарадкоў, пачалі работу над планам новага горада для бежанцаў у Азербайджане", - праінфармаваў Віктар Іўлічаў.

23 жніўня 2013, Мінск
Кацярына Марковіч - БЕЛТА