Супрацоўнікі міліцыі на тэрыторыі рэспубліканскага ландшафтнага заказніка "Налібоцкі" канфіскавалі 1,5 тоны брагі, дэманціравалі і ўтылізавалі саматужнае абсталяванне.
Работнікі ўпраўлення аператыўнага рэагавання Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь і УУС Мінаблвыканкама пры правядзенні палявога кантрольнага мерапрыемства на тэрыторыі рэспубліканскага ландшафтнага заказніка "Налібоцкі" выявілі факт незаконнага вырабу самагону двума непрацуючымі жыхарамі Валожынскага раёна.
У выніку працяглага выкарыстання самагоннага апарата быў знішчаны жывы наглебавы слой на плошчы каля 100 квадратных метраў, чым нанесена шкода навакольнаму асяроддзю ў памеры 10 мільёнаў рублёў. У адносінах да парушальнікаў распачаты адміністрацыйны працэс.
Звязда, 23 лістапада 2012
