Супрацоўнікі аддзела барацьбы з эканамічнымі злачынствамі Заводскага РУУС Мінска канфіскавалі на мінулым тыдні буйную партыю дарагой алкагольнай прадукцыі замежнай вытворчасці без акцызных марак.

Як паведамілі ў ГУУС Мінгарвыканкама, нелегальнае спіртное было знойдзена ў адным з гаражоў па вуліцы Ціміразева ў сталіцы. Увогуле праваахоўнікі налічылі 60 найменняў рознай алкагольнай прадукцыі: віскі, джын, тэкіла, ром, лікёр, шэйк, каньяк. На ўсіх бутэльках адсутнічалі акцызныя маркі Беларусі.

Устаноўлена, што гараж знаходзіўся ў карыстанні 43-гадовага жыхара Мінска. Аператыўнікам АБЭЗ цяпер трэба высветліць, якім чынам спіртное трапіла ў гараж і для каго яно прызначалася.

Алкагольная прадукцыя канфіскавана, матэрыялы перададзены ў інспекцыю па падатках і зборах. Праверка па гэтым факце працягваецца.

Вячаслаў Будкевіч, БелаПАН
Мінск, 25 снежня 2012