Устаноўлены таксы пяці разрадаў для буйной, сярэдняй і дробнай дзелавога драўніны (без кары), а таксама таксы пяці разрадаў для дроў.

Так, такса першага разраду за 1 шчыльны куб. м буйной дзелавой драўніны без кары для сасны і лістоўніцы ўстаноўлена на 2013 год у 177,770 тыс. рублёў (была 122,060 тыс.). Таксавы кошт 1 шчыльнага куб. м елкі і піхты складзе 155,290 тыс. (106,620 тыс.), дубу, ясеню і клёну –— 614,570 тыс. (421,980 тыс.). Самая вялікая такса першага разраду ўстаноўлена для карэльскай бярозы — 3.687,480 млн. замест 2.531,950 млн. Для гэтых жа парод дрэў такса першага разраду за дровы і ліквід з кроны (у кары) у 2013 году таксама павышана ў сярэднім на 45%.

Таксы, або плата за вырошчванне драўніны, прызначаны для кампенсавання затрат лясной гаспадаркі на ўзнаўленне, ахову і абарону лясоў. Існуе спецыяльная формула, па якой вызначаецца памер такс. Таксы на драўніну, што адпускаецца на корані, фарміруюцца зыходзячы з цэн на круглыя лесаматэрыялы, сфарміраваных на біржавых таргах, і нарматыўных затрат лесанарыхтоўшчыкаў, што дазваляе вызначыць рэальны кошт драўніны з улікам попыту і прапановы. Яе продаж ажыццяўляецца як на доўгатэрміновай (больш чым адзін год) па складзеных для лесакарыстальнікаў планах высяканняў, так і на кароткатэрміновай аснове (тэрмінам да аднаго года).

Кошт драўніны, што адпускаецца на корані, вызначаецца згодна з памерам такс (з першага па пяты разрад) у залежнасці ад катэгорыі якасці (буйная, сярэдняя, дробная, дрывяная), парод (сасна, ёлка, бяроза, дуб, алешына шэрая), а таксама відаў яе транспарціроўкі. Лесатаксавы разрад залежыць ад адлегласці ад цэнтра квартала (урочышча) да найбліжэйшай чыгуначнай станцыі, адкуль магчыма пагрузка драўніны на чыгуначны транспарт. Для лесакарыстальнікаў, у якіх драўніна вывозіцца пераважна на склады аўтамабільным транспартным да пунктаў спажывання, лесатаксавы разрад вызначаецца зыходзячы з адлегласці ад цэнтра квартала (урочышча) да пункта спажывання.

Марына Носава, БелаПАН
Мінск, 26 снежня 2012