Пенсіянерка звярнулася ў Першамайскі РУУС Мінска з заявай, што стала ахвярай тэлефонных аферыстаў. Жанчыне патэлефанавалі на хатні тэлефон і паведамілі, што яе дачка стала вінаватай ДТЗ. Каб дачка пазбегла крымінальнай адказнасці, пацярпелай сказалі перадаць буйную суму. Жанчына сабрала свае зберажэнні і перадала кур’еру тэлефонных махляроў больш за Br9 тыс.у эквіваленце.

Праваахоўнікам пацярпелая распавяла, што ведала пра тэлефонны аферызм, бо летам з аналагічнымі дзеяннямі махляроў сутыкнулася яе суседка. Але пенсіянерка знаходзілася ў стане моцнага стрэсу, разгубілася і не змагла своечасова распазнаць падман.

Следчыя распачалі крымінальную справу па факце махлярства.

Міліцыя нагадвае, што пры падобных званках неабходна неадкладна спыніць размову, ператэлефанаваць сваяку і паведаміць пра здарэнне ў міліцыю.

Звязда, 24 студзеня 2024