Пра гэта ён заявіў 13 жніўня, прымаючы з дакладам старшыню праўлення Нацыянальнага банка Надзею Ермакову.
Як паведамляе прэс-служба прэзідэнта, Лукашэнка асобна падкрэсліў, што золатавалютныя рэзервы павінны быць сфарміраваны ў зададзеным аб`ёме.
Кіраўнік дзяржавы быў праінфармаваны аб сітуацыі на валютным рынку і крэдытаванні эканомікі ў цэлым. Гаворка ішла таксама аб працы банкаўскай сістэмы з насельніцтвам па ўкладах, па крэдытах, у тым ліку па крэдытаванні жыллёвага будаўніцтва.
Лукашэнка адзначыў, што ўрад сумесна з Нацбанкам павінны забяспечыць утрыманне інфляцыі ў межах зададзеных параметраў. Асаблівую ўвагу ён надаў уплыву Нацыянальнага банка на працэсы нарошчвання экспарту.
Як запэўніла кіраўнік Нацбанка Ермакова, ёсць ўсе перадумовы для таго, каб павялічваць экспарт, што, у сваю чаргу, гарантуе магчымасць дакладнага абслугоўвання знешніх крэдытных абавязацельстваў і ўтрыманне золатавалютных рэзерваў на ўзроўні бяспекі.
Аляксей Арэшка,
БелаПАНМінск, 13 жніўня 2012
