Буйным затрыманнем завяршылася аператыўная распрацоўка пагранічнікамі нелегальнага канала па пастаўцы з Польшчы, Літвы і Украіны мабільных тэлефонаў і аксесуараў да іх у Беларусь.
Як паведамілі ў прэс-цэнтры Дзяржаўнага пагранічнага камітэта Беларусі, 28 ліпеня аператыўнымі групамі пагранічнікаў і супрацоўнікаў Мінскай цэнтральнай мытні ў прыватным доме ў сталіцы было выяўлена і канфіскавана больш за 200 мабільных тэлефонаў і 400 аксесуараў да іх. Тавар належаў двум мясцовым жыхарам.
Паводле папярэдняй ацэнкі, сума канфіскаванай маёмасці складае каля 250 мільёнаў рублёў.
Вячаслаў Будкевіч,
БелаПАНМінск, 31 ліпеня 2011
