Пры надглядзе ручной паклажы грамадзяніна Украіны былі знойдзены вясельныя сукенкі і прыналежнасці для вясельнай цырымоніі: нарукаўнікі, падвязкі, ручнікі, вянкі, банты, гірлянды, вырабы ў форме галубоў.

Як паведамляе прэс-група Гомельскай мытні, было ўстаноўлена, што тавар не адносіцца да тавараў для асабістага карыстання і падлягае мытнаму дэклараванню, што грамадзянінам зроблена не было. Увесь тавар арыенціровачным коштам больш як 50 млн. беларускіх рублёў канфіскаваны. Распачаты адміністрацыйны працэс.

Вырашаецца пытанне аб распачынанні крымінальнай справы ў дачыненні да расіянкі, у багажы якой гомельскія мытнікі знайшлі 34 таблеткі феназепаму. З дапамогай тэхнічных сродкаў мытнага кантролю было высветлена, што лекавыя сродкі з`яўляюцца псіхатропнымі рэчывамі.

Алена Германовіч, БелаПАН
Гомель, 8 ліпеня 2011