Як паведамляе УУС аблвыканкама, на сённяшні дзень супрацоўнікамі падраздзяленняў БЭЗ Мінскай вобласці ўстаноўлена злачынная дзейнасць 22 службовых асоб сельскагаспадарчых прадпрыемстваў рэгіёна, якія, выходзячы за рамкі правоў і паўнамоцтваў, прадастаўленых ім па службе, давалі незаконныя ўказанні падпарадкаваным работнікам на ўнясенне заведама ілжывых звестак у афіцыйныя дакументы аб утойванні падзяжу.

Асноўнай мэтай дачы такіх указанняў з боку кіраўнікоў з’яўлялася: карыслівая зацікаўленасць, якая выказвалася ў атрыманні прэміяльных і іншых грашовых выплат за належнае выкананне сваіх службовых абавязкаў, або іншая асабістая зацікаўленасць, якая заключалася ў паляпшэнні паказчыкаў на прадпрыемстве, стварэнні бачнасці спрыяльнай работы, імкнення пазбегнуць дысцыплінарнай (матэрыяльнай) адказнасці за дапушчаныя факты звышнарматыўны падзеж жывёлы і інш.

Указаны від злачынстваў выкрываўся ў 13 раёнах Мінскай вобласці.

Адказнасць за перавышэнне ўлады або службовых паўнамоцтваў, здзейсненае з карыслівай ці іншай асабістай зацікаўленасці, прадугледжвае пакаранне ў выглядзе пазбаўлення волі ад 2 да 6 гадоў і з пазбаўленнем права займаць пэўныя пасады або займацца пэўнай дзейнасцю.

Сяргей Расолька
Звязда, 30 верасня 2022