З пачатку мая кошт кошыка валют вырас на 3,65 %. Долар і еўра спрабавалі знізіць яе кошт, але супраць майскага расійскага рубля ў іх гэта атрымлівалася вельмі дрэнна.

Курс долара сёння ўпаў на 0,0127 BYN да 2,5884 BYN / USD і пакінуў максімум за 2,5 тыдня. За папярэднія два дні таргоў кошт долара падскочыў на 0,1424 BYN, а да гэтага ён знаходзіўся на мінімуме за 194 дні (больш за паўгода). З пачатку мая долар саступіў беларускаму рублю 0,0434 BYN. Аб’ём таргоў доларам знізіўся да $ 8,1 мільёнаў — мінімум за 4,5 месяца.

Курс еўра абваліўся на 0,0836 BYN да 2,6864 BYN / EUR, скаціўшыся з максімуму за месяц. Нагадаем, што ў мінулую сераду ён знаходзіўся на мінімуме за 810 дзён (2 гады і 2,5 месяца). З пачатку месяца кошт еўрапейскай валюты ўпаў на 0,0954 BYN.

Аб’ём таргоў еўра таксама знізіўся, але не так моцна, як у долара. Сёння праз біржу прайшло 9,4 мільёна еўра. Нагадаем, што ў аўторак на мінулым тыдні быў устаноўлены гістарычны максімум аб’ёму таргоў на ўзроўні 119,5 мільёнаў еўра.

Курс расійскага рубля падскочыў на 0,1786 BYN (амаль на 18 капеек) да 4,0620 BYN / 100 RUB і пакінуў мінімум больш чым за два тыдні. Кошт сотні расійскага рубля зноў падняўся вышэй за ўзровень 4,0000 BYN / 100 RUB. З пачатку мая кошт сотні расійскіх рублёў вырас на 0,3717 BYN.

Сяргей Куркач
Звязда, 30 мая 2022