Мінчанка знайшла ў сацыяльнай сетцы «УКантакце» групу «Apple продаж/растэрміноўка», дзе прапаноўвалі купіць тэлефоны па вельмі выгаднай цане і ў растэрміноўку. Усе зносіны пацярпелай з прадаўцом адбываліся ў сацсетцы.

Як толькі прадавец-ашуканец зразумеў, што дзяўчына гатова набыць тэлефон, ён пераканаў яе ў тым, што спачатку неабходна пералічыць грошы на карту, выпушчаную банкам Украіны, а ўжо пасля ён вышле тэлефон. Для пераканаўчасці зламыснік даў дзяўчыне фота пашпарта, натуральна, не свайго, а таксама ўгаварыў яе напісаць усе дадзеныя банкаўскай карты. У выніку мінчанка не далічылася на балансе Br480. Дзяўчына падала заяву ў Жлобінскі РАУС.

«З узнікненнем розных анлайн-сэрвісаў аб’яў з’явілася велізарная колькасць ашуканцаў. Мэта ў іх адна — завалодаць грашыма людзей, прапаноўваючы неіснуючы тавар», — звярнулі ўвагу ва УУС. У міліцыі нагадалі, што пазбегнуць выкрутаў ад такіх ашуканцаў дастаткова проста. Не варта зважаць на лоты з падазроным цэннікам, нават калі ён вельмі прывабны. Не варта весці гутаркі па куплі ці продажы тавара ў мэсэнджэра або сацыяльных сетках. І ніколі не трэба пералічваць перадаплату на рахункі, указаныя прадаўцом.

Звязда, 8 лістапада 2021