Супрацоўнікі аддзелу па барацьбе з эканамічнымі злачынствамі (АБЭЗ) выявілі фірму, якая займалася выдачай пазык. Высветлілася, што 33-гадовы заснавальнік пад відам дзейнасці фіннсавай арганізацыі стварыў піраміду па прыцягненню і выдачы крэдытаў. 

Фірма пачала працаваць з вясны 2014 года. Кліентам прапаноўвалася ўносіць грошы пад высокі працэнт гадавых. Умовы былі прывабнымі і некалькі чалавек ўклалі буйныя сумы, якія ў наступным раздаваліся іншым кліентам у якасці пазык.

Некаторыя фундатары атрымлівалі абяцаную прыбытак і працягвалі дагаворы з фірмай, заключалі новыя здзелкі і залучалі ў працэс знаёмых. У выніку фінансавы абарот арганізацыі рэзка ўзрос.

Тым не менш, праз некаторы час працэнтныя стаўкі па дывідэндах пайшлі на спад, а ў канцы студзеня гэтага года фірма і зусім заявіла пра банкруцтва. Вывесці свае ўклады кліенты не змаглі.

Устаноўлена, што прадпрымальны мужчына, ашукаўшы як мінімум сем чалавек, завалодаў грашыма на суму больш чым 300 тыс. публёў, пасля чаго схаваўся за мяжой.

У наступным аператыўнікі выявілі каля дваццаці падманутых чалавек.

Следчыя далі прававую ацэнку жыхару Гродна і распачалі крымінальную справу за махлярства, здзейсненае ў асабліва буйным памеры.

Звязда, 27 снежня 2020