Як паведамляе абласная газета «Гомельская праўда», на таргі былі выстаўлены тры лоты з паніжэннем іх пачатковай цаны на максімальныя 80%, і ўсе яны набылі новых гаспадароў. Бо на кожны аб’ект падалі па адной заяве, пакупнікі змаглі скарыстацца яшчэ адной перавагай — набыццём нерухомасці без фактычных таргоў, па пачатковай цане, павялічанай на 5%.

Усяго ў 2020 годзе камітэтам «Гомельаблмаёмасць» было прададзена 80 аб’ектаў нерухомасці (60 — камунальнай і 20 — рэспубліканскай уласнасці), у тым ліку па ацэначным кошце — 14, з паніжэннем цаны да 50% — 6, да 80% — 27 і за базавую велічыню — 33. Прадастаўленнай заканадаўствам магчымасцю куплі дзяржаўнай нерухомасці ў якасці адзінага ўдзельніка таргоў скарысталіся 60 пакупнікоў.

Такім чынам, па максімальна нізкіх коштах (са зніжэннем пачатковы цаны на 80% і за базавую велічыню) і аднаму пакупніку прададзена 75% ад агульнай колькасці рэалізаваных аб’ектаў дзяржаўнай уласнасці.

Звязда, 1 студзеня 2021