Курс валютпокупкапродажа
USD371.14372.83
EUR420.39423.53
RUR5.565.62
www.kurs.kz
 


 



Найти
 
 


Пенсіянерам дадуць 50% зніжкі на праезд у цягніках рэгіянальных ліній


Аб гэтым паведамілі ў прэс-службе Беларускай чыгункі.
Кожны год у перыяд сезонных сельскагаспадарчых работ з 1 мая па 30 верасня грамадзяне, якія дасягнулі агульнаўстаноўленага пенсіённага ўзросту, маюць права на зніжку 50% ад кошту праезду ў цягніках рэгіянальных ліній эканом класа. Гэта прадугледжана Указам Прэзідэнта Рэспублікі Беларусь ад 29.04.2011 № 176 "Аб дзяржаўнай падтрымцы пенсіянераў".

Дакументам не прадугледжваецца прадастаўленне гэтай ільготы пры праездзе ў цягніках рэгіянальных ліній бізнес класа (з нумараванымі месцамі), а таксама пры праездзе ў цягніках гарадскіх ліній.

Для набыцця праязных дакументаў са зніжкай трэба прад`яўляць арыгінал пенсіённага пасведчання. Таксама гэты дакумент неабходна мець пры сабе пры праездзе ў цягніках рэгіянальных ліній эканом класа.

Праязныя дакументы можна аформіць як у білетных касах, так і праз тэрміналы самаабслугоўвання.

У прэс-службе магістралі нагадалі, што ў мэтах павышэння якасці і даступнасці паслуг у мінулым годзе Беларуская чыгунка ўстанавіла новую версію праграмнага забеспячэння плацежна-даведачных тэрміналаў, дзякуючы якой у пенсіянераў па ўзросце з 1 мая па 30 верасня таксама з`явілася магчымасць набываць льготныя праязныя дакументы (квіткі) з выкарыстаннем тэрміналаў самаабслугоўвання.

У мэтах задавальнення попыту на пасажырскія перавозкі ў перыяд сезонных сельскагаспадарчых работ з 1 мая па 30 верасня курсіраванне цягнікоў рэгіянальных ліній эканом класа прадугледжваецца максімальнымі схемамі.

Сяргей Расолька
Звязда, 3 красавіка 2018

 
Дата публикации:03.04.2018
Тематика:Транспорт, Беларусь
Просмотров:223
 
Ключевые слова:
Беларуская чыгунка Проездной билет Скидки Пенсионеры Соцзащита в Беларуси
 
 


Комментарии



 



Другие новости по этой теме