Грамадзяне пенсіённага ўзросту з 1 мая змогуць набываць білеты на электрацягнікі з 50-працэнтнай скідкай, паведамілі ў прэс-цэнтры Беларускай чыгункі.
"Для грамадзян, якія дасягнулі агульнаўстаноўленага пенсіённага ўзросту, з 1 мая па 31 кастрычніка 2025 года ў перыяд сезонных сельскагаспадарчых работ будзе дзейнічаць скідка 50% ад кошту праезду ў цягніках рэгіянальных ліній эканомкласа", - паведамілі ў БЧ.
Там таксама нагадалі, што гэта прадугледжана ўказам "Аб дзяржаўнай падтрымцы пенсіянераў", прынятым у 2011 годзе, – менавіта з таго часу пачалі дзейнічаць сезонныя "дачныя" скідкі на БЧ.
Пенсіянерам, каб купіць білет са сніжкай, у касе трэба будзе прад’явіць арыгінал пасведчання. Таксама яго трэба будзе мець пры сабе падчас паездкі.
Пры гэтым "дачная" льгота не даецца пры паездках на цягніках рэгіянальных ліній бізнес-класа, міжрэгіянальных (з нумараванымі месцамі) і гарадскіх ліній.
Пенсіянеры могуць аформіць ільготныя праязныя ў білетных касах, тэрміналах самаабслугоўвання, на сайце БЧ або ў мабільным дадатку "БЧ. Мой цягнік".
