«Пастановай Міністэрства антыманапольнага рэгулявання і гандлю ад 15 красавіка 2024 г. № 29 скарэкціравана пастанова ведамства ад 3 снежня 2020 г. № 82 «Аб тарыфах на перавозкі пасажыраў, багажу і грузабагажу чыгуначным транспартам», — паведамляецца на інтэрнет-партале.
У прыватнасці, зменены тарыфы на перавозкі пасажыраў чыгуначным транспартам агульнага карыстання на гарадскіх лініях, рэгіянальных лініях эканомкласа, а таксама тарыфы на перавозкі пасажыраў (за выключэннем дзяцей ва ўзросце ад 5 да 10 гадоў) чыгуначным транспартам агульнага карыстання на рэгіянальных лініях бізнес-класа. Акрамя таго, зменены тарыфы на перавозкі дзяцей ва ўзросце ад 5 да 10 гадоў чыгуначным транспартам агульнага карыстання на рэгіянальных лініях бізнес-класа.
Таксама змяніўся кошт поўнага праязнога дакумента за перавозку пасажыраў чыгуначным транспартам агульнага карыстання на рэгіянальных лініях бізнес-класа, а таксама тарыфы на перавозкі багажу і грузабагажу ў залежнасці ад адлегласці і масы чыгуначным транспартам агульнага карыстання на гарадскіх, рэгіянальных і міжрэгіянальных лініях.
Змяненні закранулі тарыфы на перавозкі багажу і грузабагажу з аб’яўленай каштоўнасцю чыгуначным транспартам агульнага карыстання на гарадскіх, рэгіянальных і міжрэгіянальных лініях.
Таксама змяніўся кошт перавозкі пасажыраў чыгуначным транспартам агульнага карыстання на гарадскіх лініях у межах чатырох тарыфных паясоў па двух напрамках пры ўмове сумяшчэння такой перавозкі з перавозкай пасажыраў аўтобусамі ў звычайных рэгулярных і (або) хуткасных рэгулярных зносінах, і (або) гарадскім электрычным транспартам, і ( або) метрапалітэнам.
Так, напрыклад, тарыфы на перавозкі пасажыраў чыгуначным транспартам агульнага карыстання на гарадскіх лініях павялічаны на сем капеек у межах аднаго тарыфнага пояса (па напрамках Мінск — Гарадзішча, Мінск — Фаніпаль, Брэст — Жабінка і іншыя), а таксама ў межах двух тарыфных паясоў па аднаму напрамку (Мінск — Чырвоны Сцяг, Мінск — Негарэлае, Гродна — Скідаль і іншыя). У межах двух, трох і чатырох тарыфных паясоў па двух напрамках тарыфы павысяцца на 14 капеек.
Апошні раз рашэнне аб павышэнні тарыфаў на перавозку пасажыраў чыгуначным транспартам агульнага карыстання прымалася ў чэрвені мінулага года.
Таксама прававым актам прадугледжана ўвядзенне паніжаючага каэфіцыента 0,7 да дзеючых тарыфаў, устаноўленых для адпаведнага класа рухомага саставу, пры перавозцы пасажыраў чыгуначным транспартам агульнага карыстання ў маторвагонным рухомым саставе на месцах з адкіднымі сядзеннямі, якія забяспечваюць больш нізкі ўзровень камфортнасці ў параўнанні з астатнімі месцамі. вагоне.
Пастанова ўступае ў сілу праз пяць дзён пасля яе афіцыйнага апублікавання.
Звязда, 23 красавіка 2024
