Цяпер бясплатна падключыцца да інтэрнэту з выкарыстаннем тэхналогіі Wi-Fi можна ва ўсіх цягніках гарадскіх ліній, якія курсіруюць па маршрутах Мінск — Рудзенск, Мінск — Смалявічы і Мінск — Заслаўе.

Для падключэння да інтэрнэту па тэхналогіі Wi-Fi неабходна прайсці рэгістрацыю. Код доступу пасажыры атрымаюць з дапамогай SMS на нумар мабільнага тэлефона. Скарыстацца бясплатным Wi-Fi могуць абаненты ўсіх беларускіх мабільных аператараў, а таксама прыезджыя, чые мабільныя тэлефоны знаходзяцца ў роўмінгу.

Марына Носава, БелаПАН
Мінск, 8 красавіка 2019